Santa Zezilia eguna ospatuko du musika eskolak

Azaroaren 22an da musikarien patroia den Santa Zezilia eguna, eta, urtero moduan, hutsik egin barik, Eskoriatzako Beheko Errota Musika Eskolak bat egingo du egunarekin; eta hori gauzatzeko, nola ez, musika emanaldiak izango dira. Batetik, urtero moduan, musika eskolako ikasleek egunerako prestatutako kantuak eskainiko dituzte. Emanaldia azaroaren 21ean, eguenean, izango da, Fernando Eskoriatza plazan, 18:00etan. Eta, bestetik, azken urteotan egin duten moduan, musika eskolako bandak Santa Zezilia eguneko kontzertua eskainiko du azaroaren 22an, 20:00etan, Zaldibar antzokian.