Saioari begira, aurrelana ere izan dute Auzoko ekimeneko kideek. Izan ere, egunerako, sukaldeko tresnerien hitzak euskaraz nola esaten diren ikasi zuten Auzokoko partaideek.
Hasteko, ezagutze jolasa
Tailerra hasteko, elkar-ezagutze jokoa izan zuten, eta horretarako hari-bola erabili zuten. Partaide batek besteari pasata, nork bere izena esanaz, elkar ezagutzeko, hain zuzen ere. Antolatzaileek adierazi dute motz geratu zela haria, jende asko batu zelako tailerrean.
Hurrengorako gogoz
Guztira, 30 lagun elkartu ziren. Hamabost auzotar eta beste horrenbeste auzokide. "Adin tarte ezberdinetakoak, erretiratuak, langileak, emakumeak eta gizonezkoak… talde heterogeneoa izan zen eta jendea oso gustura gelditu zen; hurrengoa noiz egingo dugun galdetu zuten. Batzuk koadernoekin izan ziren apunteak hartzen; beste batzuek eskuak zikindu zituzten prestaketa lanetan…", adierazi du Iratxe Arrese Auzokoko dinamizatzaileak.
Jendea gustura, hurrengo tailerra abenduan egingo dute, Aljeriako eta Marokoko sukaldaritzarekin. Data zehazteko dagoen arren, gonbidapena egin zieten bertaratutakoei parte har dezaten.