"Urrian hasi dugu ikasturte berria, eta aurten bete-beteta dago taldea. Izan ere, Joseba Iñurrategi pilotalekuan pertsona kopuru mugatua sartzen da, eta batzuek kanpoan geratu behar izan dute, itxarote-zerrendan", adierazi du Agurtzane Telleria oihal akrobaziako irakasleak.
Erakustaldiak prestatzen
Ikastaroan ikasitakoak, gero, herriari erakusteko gogoz izaten direla ikasleak gaineratu du Telleriak: "Beste urte batzuetan egin dugun moduan, ikasturte amaieran erakustaldia egingo dugu, baina, ondo bidean, eta ikasleak gogoz badaude, erakustaldi gehiago antolatzea da aurtengo asmoa".
Hain zuzen ere, ikastaroak martitzenetan 18:15etik 17:45era eta eguenetan –ordu berean horiek ere– izaten dira Joseba Iñurrategi pilotalekuko gimnasioan.