Senior mailako Nahia Arguiz gimnasta eskoriatzarrak Donostiako Izar Leku txapelketa izan zuen pasa den zapatuan. Arguizek, taldean, beste lau kiderekin batera bi uztai eta hiru pare mazako ariketan lehenengo postua lortu zuen, hala, urrezko domina lortuz. Domekan ere, Gasteizko txapelketan lehenengo postua lortu zuten ariketa berarekin.
Maialen Apraizek eta Haizeder Arguizek, berriz, Reyno Navarra Unibertsitateko txapelketan bigarren postua lortu zuten hiru zinta eta bi baloiko ariketan, taldeko ariketan. Donostiako Izar Leku txapelketan, bestalde, bigarrenak sailkatu ziren.