Galduta zegoen 87 urteko eskoriatzarra onik agertu da

Ertzaintzak baieztatu duenez, 11:45eak aldera agertu da onik eta etxetik hurbil atzo gauetik desagertuta zegoen 87 urteko gizonezkoa. Familiak atzo eman zuen desagerpenaren berri eta ordutik haren bila zebiltzan. Larrialdi zerbitzuetako kideez gain, boluntario talde bat ere elkartu da 09:00etan gizonezkoaren bilaketan laguntzeko Eskoriatzako udalak egindako deiaren ostean.

Gaur 09:00etan elkartu dira boluntarioak bilaketa lanetan laguntzeko. (Argazkia: Goiena)

Bart desagertuaren bilaketa lanak. (Argazkia: Gipuzkoako Gurutze Gorria)

Gaueko bilaketa lanak (Argazkia: DYA Gipuzkoa)

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.