Iraileko hiru eguenetan egingo dira kontakizunak: Asia hego-ekialdean dagoen Thailandiara hilabetez egindako bidaia –irailaren 12an–; Alpe italiarrak autokarabanan eta bizikletan –irailaren 19an– egindakoa; eta Txilen, Andeetan eta Mendozatik Patagoniara –irailaren 26an– egindako bidaien kontakizunak egingo dituzte zenbait eskoriatzarrek Ostegun Bidaiariak-en edizio honetan.
Hizlariak bakarka edo taldean igoko dira oholtzara, eta bakoitzak bere modura egingo du kontakizuna. Horretarako, bideoak erabiliko dituzte, argazkiak erakutsi, eta beraien bidaian izandako esperientzia bertatik bertara kontatuko diete bertan batzen direnei.