Eskoriatzako Mazmela auzoan urtero ospatzen dituzte sanbartolomeak. Aurten ere ez dute hutsik egin eta kanpai hotsa izan zen atzo festarako lehen abisua. Mikel Ortueta eskoriatzarra izan zen esna deia egiteko arduraduna.
50 bat lagun elkartu ziren. Eskoriatzan egin zuten eguerdiko txikiteoa eta ondoren Mazmela auzoko Basauria elkartean egin zuten bazkaria.
Bazkalostea girotzeko Leire eta Irati aritu ziren trikitiarekin eta panderoarekin. Iluntzean, herrian jarraitu zuen festak.