Odol ateratzeak, bihar, Fernando Eskoriatza plazan

Odola ateratzeko autobusa Aretxabaletan izan zenean

Eman odola, zu zara giltza lelopean, udako kanpaina jarri du martxan Osakidetzak. Hori horrela, Arabako Odol Emaileen Elkartekoak odol ateratzeak egiteko autobusarekin izango dira bihar, Fernando Eskoriatza plazan, honako ordutegi honetan: 16:30etik 20:15era bitartean.

Ekainean ziren etortzekoak, baina, Arabako Odol Emaileen Elkartekoek adierazi dutenez, agenda arazo bat izan dute, eta uztail amaieran etortzea erabaki dute. Hori horrela, oraingoan, egun batez soilik izango dira odol ateratzeak egiten Eskoriatzan. Odola emateko, 18 urtetik gorakoa eta 70 urtetik beherakoa izan behar da. Gutxienez, 50 kilo izan behar da, eta nortasun agiria eraman beharko du autobusera doanak.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.