Eskoriatzako EskoXtrem mendiko bizikleta martxa izan da gaur. 30. edizioa izan da aurtengoa, eta urtero moduan, ibilbide motza eta luzea izan ditu: motzak, 39 kilometro; eta luzeak, berriz, 49 kilometro. Eguraldia lagun izan dute, baina parte-hartzaile askok adierazi moduan "bero handia" egin du, eta "ibilbidea gogorra" izan da.
Fernando Eskoriatza plazatik hasi dira, eta Gatz Bidetik gora, Gatzagaraino iritsi, ostean, Dorletatik gora igo dute, Hiruerreketaraino iritsiz. Handik, berriz, Usakoaitzerako bidea hartu dute, eta zati horretan, bide luzea egin dutenak desbideratu egin dira. Motza egin dutenek, aldiz, bidea jarraitu dute. Marisanetik gora, Isuskitza, Jarindo… pasa, eta Luis Ezeiza Herri Eskola alboko bolatoki zaharrean amaitu da martxa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.