Buztingintza eskolako ikasleek urtean zehar ikasitakoa herritarrei erakusteko, eta amaitu barik dituzten piezak bukatzeko aprobetxatu zuten atzoko saioa. Herritar ugari gerturatu zen, gainera, haiengana, egiten dutena gertutik ikusteko.
Gazta porran ateratako dirua elkartearentzat
Horrekin batera, EskoZap Aste Zapatistako antolatzaileek gazta porra solidarioa jarri zuten, eta bertan jasotako dirua Buztinate elkartea laguntzeko izan zen. Gaztaren pisua asmatu behar zuten porran parte hartu nahi zutenek, eta azkenean, gaztaren pisua 1,175 kg-koa izanda, saria, hau da gazta, Lourdes Azkaratek eta Ainhoa Kortazarrek eraman zuten.