Arizmendi-Almen gunean iraunkortasunarekin loturiko lanketa bat egin zuten lehenbizi, eta ondoren, txoko ezberdinak zaborrez garbitzeko aprobetxatu zuten.
Taldeetan banatuz, garbiketa
DBHko 1. mailakoek ikastolako inguruetan eta Torrebasoko industrialdean egin zuten zabor bilketa. DBHko 2. mailakoek, berriz, bidegorria Aretxabaletarantz hartu, eta Urkulu urtegirako bidea aprobetxatu zuten zabor bilketa erronka egiteko.
DBHko 3. eta 4. mailetakoak, berriz, Eskoriatzara joan ziren, taldeetan banatuta, tarterik handienean erreka garbitzeko. Goizean zehar jasotako zabor guztia Santa Marina plazan bildu zuten, eta Eskoriatzako Udalak jarritako zaborrontzietara bota.
