Bueltako partidua irabazi arren, asko sufritu zuen Bilboko taldeak. Lehen zatian, bi taldeek izan zituzten aukerak, baina partiduaren gakoa bigarren zatian egon zen. Izan ere, bilbotarrek dominatu zuten jokoa. Aurkariak aurretik jarri ziren markagailuan lehenengo zatian, baina, bigarrenean, Bilbo FS taldekoek berdintzea lortu zuten, eta bigarren gola ere sartzea lortu zuten; horrenbestez, lehenengo mailako txartela lortu zuten.
Merezitako garaipena
"Telde aurreratu zen urrutiko jaurtiketa baten ondorioz, gola, eskuadratik sartu zena. Gero, guk aukera argi asko izan arren, atsedenaldira 1-0 galtzen joan zien, baina ez genituen eskuak jaitsi. Bagenekien zer zegoen jokoan, eta nahiz eta enpateak balio, irabaztera joan ginen, bai, edo bai. Eta halaxe heldu ziren golak, jokoa hobetzen lehenengo gola sartu zuenn Isak, bandako sake baten ostean, eta partidua bukatzeko minutu gutxi falta zirenean, bigarren hola iritsi zen, Garbik sartu zuena bere areatik beste porteriara jaurtiz. Denboraldi honetan 26 partidu irabazi ditugu, 3 berdindu, eta bat galdu. Uste dut merezitako garaipena izan dela. Azken finean, jokalariok esfortzu handia egiten dugu, ordu asko sartu, bidai luzeak egin… Orain, ea laguntzak jasotzen ditugun…", adierazi du Nerea Pavok.
