Torrebasoko autobus geltokiak martxan

Autobusa.

Noranzko bakoitzean autobus geltoki bana jarri dute Torrebason, batez ere, Fagor-Ederlan eta Arizmendi Almen gunekoek erabili dezaten. Gaurtik aurrera martxan egongo dira Eskoriatza eta Aretxabaleta arteko bi geralekuak, Lurraldebus zerbitzuko DG05 Eibar-Gasteiz, DG05D Eibar-Gasteiz (Uribarri Ganboako urtegitik datorrena) eta DG10 Bergara-Eskoriatza lineetan.

GI-627 errepideko 29,6 puntu kilometrikoan dauden autobus geltoki berri hauei honako izenak jarri dizkiete: Eskoriatzarako norantzako geralekuari: Ederlan, eta Aretxabaletarako norantzakoari, berriz: Almen.