Eskoriatzako kaleak askotariko produktuak eskaini dituzten postu ezberdinez bete dira 23. Ferixian. 80 postutik gora egon dira, eta herritarrek bikain erantzun dute, eguraldi ederrari esker. Hala ere, saltzaileek salmentak urriak izan direla azaldu dute.
Artisautza produktuak, barazkiak eta jakiak, arropak, taloak eta edatekoak... Eskaintza zabala eta askotarikoa izan da Eskoriatzan, eta trikitilariek eta erraldoi eta kilikiek bikain girotu dituzte kaleak. Gazta txapelketa ere izan da, eta baita haur eta gazteendako jolasak.