Bidegorrian alboko horma zati bat egonkortzeko lanak hasi zituen Foru Aldundiak martxoaren 11n, eta horren ondorioz, oinezkoentzako pasabidetik Olazarreko tuneleraino itxita egon da.
Asfaltatze lanak bukatzean, zapatuan, Ederlaneko biribilgunetik Intxaurtxuetako oinezkoen pasabideraino zatia irekiko dute, baina orain arte itxita egon den eremuak –Intxaurtxuetako oinezkoen pasabidetik Olazarreko tunelera– itxita jarraituko du. Lanak ondo bidean, aste pare baten lanak bukatuta egotea aurreikusten dute, eta ordurako bidegorri osoa zabalik egongo da.
