Fresko egiten zuen goizean Atxorrotzen baina eguraldi argia zegoen eta eskoriatzarrek egin dute gora joateko plana. Kuadrilan joan dira lagun asko eta familian beste asko; eguerdirako salda bukatuta zegoen. Kanpaia jotzeko ilara egin da eta baita arku tiroan egiteko ere.
Maider Zabalegiren kontzertua zegoen antolatuta eguerdirako baina hotz egingo zuen iragarpena entzunda, tokiz aldatu eta herriko plazan izan da emanaldia 13:00etan. Jaiak arratsaldean izan du jarraipena herrian, Puntaik Punta jaialdiarekin batera.