Asteburuan Espainiako Kopa jokatu dute Guadalajaran, eta senior federatuetan, brontzea lortu du Nahia Arguiz eskoriatzarrak, bere taldekideekin: Jennifer, Alaitz, Arrate eta Nahia. Bigarren domina du Espainia mailan Arguizek, izan ere, 2015ean zilarrezko domina irabazi zuen.
Bost gimnastako taldea izanik, bi uztai eta hiru mazorekin egin zuten ariketa, eta 14.017 nota eskuratu zuten.
Haizeder Arguiz –Nahiaren ahizpa– eta Maialen Apraiz eskoriatzarrak infantil mailan aritu dira, Elene, Emile, Naroa eta Naiara taldekideekin. Lehenengoz hartu dute parte Espainiako Kopan eta hamaikagarren sailkatu dira –63 talde zeuden–.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.