Iñaki Agiriano antolatzailearen esanetan, aurreikuspen guztiak gainditu dituzte, Zaldibar antzokia jendez beteta.
Ipuin musikatua
Saioaren lehenengo zatian, Eskoriatzako Beheko Errota musika eskolak Kantu galduak izeneko ipuin musikatua eskaini du. 18 haur inguruk hartu dute parte munduko kontinente guztietako herri kantak antzeztuz: Europako, Ven Kan Segla (Suedia); Asiako, Akai Hana (Japonia); Asiako, Tutira Mai (Polinesia); Amerikako, Cumbanchero (Cuba); Afrikako, Siyahamba; eta bukatzeko, Euskal Herriko lau abesti kantatu dituzte, jantzi dotorez lagunduta.
Sari banaketa
Ipuin musikatuaren ostean, Ezagutuz ulertu eta ulertuz maitatu lehiaketaren sari banaketa egin dute. Bi izan dira sarituak: Luis Ezeiza herri eskolako Oinatz Andetxaga Korujo Nire amamaren biografia lanarekin, bertan, Gurutze Oianguren amamaren bizitza kontatu du; eta Arizmendi Almen ikastolako Libe Agirre Etxebarria Baserriko bizitza lanarekin, bertan, Jesusa Arenazaren garai bateko bizitza jasoz.
Aurkezpen lanak egiten Nerea Larrañaga eta Iraia Kortazar, hamabi urteko bi neska ibili ziren oso fin gainera.