Zauritu bat izan da auto baten eta kamioi baten arteko istripuan autobidean

Eskoriatzan, AP-1 autobideko 119. kilometroan, Gasteizera bidean, gertatu da istripua 14:30ak inguruan. Auto batek eta kamioi batek talka egin dute, eta ondorioz, zauritu bat Gasteizko Txagorritxu ospitalera eraman dutela jakinarazi dute Segurtasun Saileko kideek. Errepidea itxita egon da eta auto ilarak sortu dira, baina dagoeneko guztiz zabalik dago.