Eskoriatzako EH Bilduk antolatuta, zapatuan, 13:00etan, solasaldia izango da kultura etxean. Bertan parte hartzen bi hizlari arituko dira: alde batetik, Gorka Elejabarrieta, Senaturako zerrendaburua Gipuzkoatik apirilaren 28ko hauteskundeetan, gaur egun EH Bilduko zuzendaritzako kidea dena eta Nazioarteko Harremanen eta Politiken zuzendaria; eta, bestetik, Eluska Irazu, Eskoriatzako EH Bilduko alkategaia maiatzaren 26ko udal hauteskundeetarako.
Gaur egungo egoeraz, etorkizuneko erronkaz eta konpromiso pertsonalaz arituko dira ordubete inguruko solasaldian. Jendearen galderak erantzuteko prest ere agertuko dira, saio amaieran.
Solasaldia bukatzean, herri bazkaria egingo dute, 14:30ean. Helduentzako menua honako hau izango da: entsalada, haragi-biribilki betea, gazta, menbrilloa, ardoa, kafea eta txupitoa –12 euro–. Haurrena: makarroiak, solomoa eta postrea –6 euro–. Txartelak Inkernun daude salgai.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.