Derbia jokatu zuten, atzo, Mondrate eta Aretxabaletak Musakolako kiroldegian. Denboraldiko azken derbia izan zen, eta ez zuten ezer jokoan bi taldeek, izan ere, datorren asteko jardunaldiarekin liga amaituko da. Bi taldeak tentuz irten ziren kantxara, arrisku larririk hartu gabe. Hala, Mondratek aukerak ondo aprobetxatuta sei gol sartzea lortu zuen eta Aretxabaletak ezin izan zion aurre egin. 6-2 amaitu zen partidua.
Kontraerasoaren aldeko apustua eginda, Mondrate 2-0 aurreratu zen, eta ondoren, Aretxabaletak sartuta, atsedenaldira 2-1 joan ziren. Bigarren zatian, 3-1 jarri ziren aurretik Mondratekoak, gero, Aretxabaletak sartu zuen (3-2).
Berdinketaren bila joan ziren atxabaltarrak, baina arrasatearrek beste bi sartu zituzten. Partidua amaitzeko minutu gutxiren faltan, atezain jokalariarekin aritu zen Aretxabaleta, baina ezin izan zuten garaipena lortu. Hala, 6-2 etxean geratu ziren derbiko hiru puntuak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.