Udaberritxotx! jaiko herri bazkaria bertan behera geratu da

Imanol Beloki Unamuno 2019ko api. 4a, 14:21

Zapatuan ospatuko da Udaberritxotx! Jaia, Eskoriatzan. Hala ere, soilik, sagardo dastaketa egingo da. Izan ere, herri bazkaria, ez egitea erabaki dute Eingeinke Kultura Elkartekoek, izen-emateko kopurua ez delako izan aurreikusitakoa. Hala, txartela erosi dutenei dirua bueltatuko zaie, erosi duten lekuan. Honekin batera, iluntzeko erromeria ere bertan behera geratu dela jakinarazi dute. 

12:30ean hasiko da jaia Fernando Eskoriatza plazan. Hiru gazta mota eta zazpi sagardo ezberdin probatzeko aukera izango da.

Herri bazkaria, berriz, ez egitea erabaki dute Eingeikekoek: "Iaz, 270 pertsona batu ziren bazkarian, eta aurten, aurreikusi baino jende gutxiagok izena emanda, ez egitea erabaki dugu. Barkatu eragozpenak. Txartela erosi dutenei, dirua bueltatuko zaie erosi duten lekuan bertan", adierazi dute antolatzaileek.

Honekin batera, iluntzean, Kontuz erromeria taldea zen jotzekoa, baina bertan behera geratu da kontzertua. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak