'Rita', umorez betetako antzerkia, domekan, Zaldibarren

Txalo Produkzioak-en eskutik Rita antzerkia ikusteko aukera izango da domeka honetan, Zaldibar antzokian. Emanaldia 19:00etan hasiko da, eta umorez betetako ikuskizunerako sarrerak 4 euro balio du; aldez aurretik Manuel Muñoz kiroldegian erosi beharko dira –antzokian lekua baldin badago, saioa hasi aurretik erosi ahalko dira sarrerak antzokian bertan–.

Willy Russell da lanaren egilea, eta, Begoña Bilbao zuzendariaren gidaritzapean, Aitziber Garmendia eta Joseba Apaolaza izango dira oholtza gainean antzezten. Euskaraz izango da, eta adin guztiei zuzendutakoa.

Antzezlan honetan, unibertsitateko heziketa-eredu eta konbentzio guztiak hausten dituen irakasle mozkorti eta anarkiko bat ageri da, Frank izena duena. Irakaskuntzarako dituen arau eta pauta guztiak hankaz gora joango zaizkio, herri txiki bateko neska bat bere eskoletara joaten hasten denean. Rita da neska hori, eta hura agertzeak Frank berpiztuko du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.