Emakumeei zuzendutako defentsa pertsonalerako ikastaro arrakastatsua

Arrasateko Aikido taldekoak izan ziren martxoaren 8an Fernando Eskoriatza plazan, emakumeei zuzendutako defentsa pertsonalerako ikastaroa eskaintzen, Eskoriatzako feministen elkarteak antolatuta. Askotariko adineko emakumezkoak izan ziren, arte martzialak inoiz egin ez dutenak, eta izan zuen arrakasta ikusita, feministen elkartetik adierazi dute jarraipena emango diotela ikastaroari.

Estreinakoz jaso dute Eskoriatzako feministen elkartekoek emakumeei zuzendutako defentsa pertsonalerako ikastaroa, eta bertaratu zirenen jakin-nahia lagun, intentsitate handiko parte-hartzea izan zuen saioak, Emakumeen Egunean.

Ez zituzten teknika konplikatuak erabili eta Arrasateko Aikido taldekoek defendatzeko modu errazak erakutsi zizkieten parte-hartzaileei. Askotariko adineko jendea izan zen gainera eta gustura ibili ziren.

Saioak izan zuen arrakasta ikusita, feministen elkartetik adierazi dute ikastaroari jarraipena emateko asmoa dutela.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.