09:00etatik itxita dago Arbiñosteko errepidea, Arbiñoste eta Aranburuzabala arteko bidegurutzean argiteria lanak egiten ari direlako. 14:30etatik aurrera aurreikusten dute, berriz, irekiko dutela bidea, bitartean, plaza pareko errepidean bi norazkotan ibiliko da zirkulazioa. Autobusetan ez du inolako eraginik izan aldaketa honek eta betiko ordutegian eta betiko bideetatik ibiliko dira.
Lanak, gaur bertan bukatzea aurreikusten dute, baina hala izango ez balitz, egubakoitzean ere itxita izango da Arbiñosteko errepidea (09:30-14:30) zirkulazioarentzat.
Horrekin batera, Santa Ana eta Santa Marina arteko espazio librerako guneko lanak martxan daude; lurra egonkortu eta baldosak jarri dituzte zati batean.