2011n sortutako taldeak hiru kide zituen hasieran, Biru gitarra-jolea, Moto baxu-jolea eta Ekaitz bateria-jolea; gero, Remen abeslaria batu zen taldera. Ordutik, geratu barik ari dira, eta iaz argitaratutako Nortasuna izeneko azken diskoarekin arrakasta handia izaten ari dira. Hain zuzen, hurrengo hilabeteei begira, agenda beteta dute. Izan ere, Euskal Herrian joko dituzten emanaldiez gain, Espainian eta Frantzian ere izango dira kontzertuak eskaintzen.
Kantuetan, kritika sozial eta politikoa egiten dute, eta ereserkiz betetako disko horretan, gainera, Fermin Muguruzaren kolaborazioa ere izan zuten Biolentzia 1984 kantua argitaratzeko orduan.