Aste honetan, Zientziaren argitan, egia ala gezurra? izeneko egitasmoa izan da Eskoriatzan. Hori horrela, martitzenean, Bittor Rodriguez nutrizionistak elikadurari buruz egunero entzuten diren mitoen eta gezurren gaineko saioa eskaini zuen Zaldibar antzokian, eta eguenean, berriz,Victor Javier Sanz medikuak txertoen, homeopatiaren eta horrelako kontuez hitz egin zuen.
Domeka honetan, zikloari amaiera emateko, Javier Luxor mentalistak Imposible izeneko ikuskizuna eskainiko du, 19:00etan, Zaldibarren. Guztira, 140 pertsonarendako muga du antzokiak, eta sarrera guztiak agortuta daude. Hala ere, bertara doazenek saioarekin gozatuko dutela adierazi du Arantxa Unzueta Kultura teknikariak: "Ez naiz aditua honetan, mentalistek gure buruarekin jolasten dute, eta zerbait harrigarria ikusteko aukera izango da".
