Panticosara eskiatzera joateko deialdia ireki dute

Eskiatzailea. Argazkia: Pixabay

Urtero moduan, Panticosara irteera antolatu du Eskoriatza kirol elkarteak. Irteera otsailaren 16ko eta 17ko aste bukaeran izango da. Aurreikuspenen arabera, elurra egingo du aste bukaera horretan, eta eskiatzera joateko deialdia egin du elkarteak. Bertara joan nahi duenak 130 euro ordaindu beharko ditu eta izena Namaste belar-dendan eman beharko du. Informazio gehiago nahi duenak, aldiz, 943 71 43 27 telefonora deitu dezake.

Irteerara joateko 50 pertsonarendako muga jarri dute antolatzaileek, eta aldaketak izan daitezkeela adierazi dute. "Panticosara joan gara urtero, baina baliteke Candanchura joatea. Izan ere, ez gara inoiz bertan izan, eta lotan geratzeko leku gehiago eta merkeagoak daude. Izena ematen dutenekin erabakiko dugu hori…", adierazi du Garbiñe Uribe antolatzaileak. 

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete