Dantzak egin zituzten atzo Eskoriatzako kintoek, Fernando Eskoriatza plazan, eta herritar ugari batu ziren bertan hauek ikusteko. 2001ean jaiotako neska-mutilek ondo entseatu dutela demostratu zuten herritarren aurrean, eta aurten, hainbeste izanda (63), plaza txiki geratu zen.
Astelehenean, Santa Ageda egun bezperan, Eskoriatzako elizateetan zehar aritu ziren baserriz-baserri kantu-eskean. Atzo, Santa Ageda egunean, aldiz, herriko kaleetan aritu ziren, eta honekin batera, arratsaldean, dantzak izan zituzten Fernando Eskoriatza plazan. Domeka honetan, errepikapena izango da, eta 19:00etan batuko dira, berriz, dantza egiteko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.