Arizmendiko Jose Arana guneko irakasle eta gurasoak, Almen gunekoak, gaztelekuko ordezkaria, EH Bildukoak, Atxorrotx Kultura Elkartekoak, Ederlanekoak, Talogileak, Bazarako kideak, udal ordezkariak eta Mari Karmen Arrieta Euskara teknikaria izan ziren bileran.
Ordu txikitan Eskoriatzatik
Apirilaren 14an, domekan, 05:19 bueltan pasako da Korrika Eskoriatzatik, eta batzarraren asmo nagusia izan zen egunerako egitaraua prestatzen hastea eta Korrikaren nondik norakoak azaltzea.
Lan banaketa eta antolaketa
Korrikak zabaldu nahi duen mezuaren gainean omendua izango den Txilardegiren bueltan eta Korrika laguntzailea egiteko jarraibideak zeintzuk diren azaldu eta azalpenak eman ziren. Horrez gain, ikastetxeek antolatuko duten Korrika Txikia ere izan zuten hizpide, eta, Korrika egunerako egitarauari dagokionez, hurrengo batzorderako eramango dituzte iritzi eta proposamenak.
Bigarren bilerarako deialdia
Korrika Batzordearen bigarren bilera otsailaren 6an, eguaztenean, izango da, 18:00etan, kultura etxean. Horrekin batera, otsailaren 28an, Urdelardero eguna dela aprobetxatuz, arropa salmenta egingo dute, plazan.