Mus txapelketa Inkernun

Urtero moduan, Euskal Herriko mus txapelketa jokatuko da, eta dagoeneko hasi dira herrietan kanporaketak egiten; Eskoriatzan, domeka honetan izango da Euskal Herriko XI. mus txapelketaren barruko herriko kanporaketa, Inkernu tabernan.

Partiduak 16:00etan hasiko dira eta izen-ematea Inkernun bertan egin beharko da, 16:00 aurretik –bikoteko 20 euro ordaindu beharko dira–. Kanporaketan garaile irteten den bikoteak ordezkatuko du Eskoriatza, Gipuzkoa mailan egingo den hurrengo kanporaketan. Hala, Eskoriatzan domekan irabazle suertatzen den bikoteak, hori gainditzen badu, otsailaren 23an zazpi herrialdeetako finala izango du.