Bertan makineria ikusi duela adierazi zuen Zubizarretak, eta lanak dagoeneko hasi ote diren galdetu zuen. Horren harira, Josu Ezkurdia Hirigintza eta Mugikortasun batzordeburuak baiezkoa erantzun zion, nahiz eta aurreikusi baino beranduago hasi dituzten lanak. Hori horrela, Morga SL enpresak egingo ditu, eta aurrekontua 105.000 eurokoa da. Letera bideko errepidea birjartzea eta GI-627 errepide azpiko oinezkoentzako pasabidea egokitzea izango da lanaren funtsa. Hain zuzen ere, lanek bi hilabete iraungo dute.
Argiteria jartzeko aprobetxatu
Obra egingo dutela aprobetxatuz, Sorautz eta Elorreta arteko bidegurutze horretan eta kanposanturako bidean argiteria jarriko dute.