Bigarren saio bat eskainiko du @remociones antzerki taldeak

@remociones Eskoriatzako Antzerki Taldekoak oholtzan.

Uztailean estreinatu zuen Desbloqueadas lana @remociones Eskoriatzako Antzerki Taldeak. Orduan gertatu zen moduan, oraingoan, abenduaren 23an izango den lehenengo saioko sarrera guztiak agortu dira, eta bigarren saio bat eskaintzea erabaki dute. Hori horrela, abenduaren 23an, 19:00etan izango da lehenengo saioa, eta bigarrena, 21:00etan, Zaldibar antzokian.

Patxi Ramirok zuzendutako lanean, oholtza gainean arituko diren aktoreak eskoriatzarrak dira: Josune Zubia, Bea Rubio, Jaione Larrañaga, Mari Jose Hernandez, Elena Arizpeleta, Isabel Mesa, Jesus Perez, Beni Flores eta Juani Gonzalez.  Hori horrela, Zortzi emakumeren bidaia pertsonala kontatzen du Desbloqueadas izeneko istorioak. Norbanako bakoitzak bizitza eta motibazio ezberdinak ditu, baina bat egiten dute proiektu bat aurrera eramateko. Horrela, euren zalantzak, beldurrak, oztopoak eta blokeoak gainditzea lortuko dute.

Abenduaren 23ko bigarren saio horretarako sarrerak jadanik salgai daude kiroldegian, 4 eurotan. Ikuskizuna, aldiz, gazteleraz izango da.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.