Angel Bañares Eskoriatzako musika bandaren zuzendaria izan da 35 urtez, eta orain, haren testigua Jesus Urrutiak hartu du. Hori horrela, Angel Bañaresi hainbeste urtean egindako lana aitortzeko antolatu du Beheko Errota Musika Eskolak kontzertu omenaldia. Zapatuan 19:30ean izango da, Manuel Muñoz kiroldegian.
Horrekin batera, musika eskolak urtero antolatzen duen Gabonetako kontzertua eskaintzeko ere aprobetxatuko dute. Beraz, ikasleek eta irakasleek hainbat abesti joko dituzte. Batzuk; bakarrik; beste batzuk, taldean. Hala, instrumentu ezberdinen musikaz gozatzeko aukera izango da.
Antolatzaileek adierazi dute sorpresak ere izango direla, baina ez dute nahi izan ezer aurreratu; herritar guztiak gonbidatu nahi dituzte bertara.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.