Bertan, lau taldetan banatuta, honako lau puntu hauek landuko dituzte: hirigintza, herri integratzailea; herri bizia: kirola, kultura, euskara, hezkuntza; herri soziala, denona; eta garapen ekonomikoa, herri bizitza.
"Gure bailaran eta mundu osoan aldaketa handiak gertatzen ari dira eta gertatuko dira; horren aurrean, herri egitasmo sendoa behar dugu. Proiektu estrategiko honekin, irismen handikoa izango den abiapuntua martxan jarri nahi dugu, eskoriatzarren beharrak gizarteratu eta herri eztabaida isiotuz", adierazi dute EH Bilduko ordezkariek. Hori horrela, herri bilera irekira joan ezin nahi duenak ekarpenak egin ditzake mezua bidaliz eskoriatza@ehbildu.eus helbidera.