Urtero bezala, abenduaren 3tik 5era bitartean, euskarazko jostailu erakusketa izango da Eskoriatzako kultura etxean. Erakusketan, euskaraz eskaintzen diren mahai jolas eta jostailuak biltzen dituzte batez ere, baina izango dira bestelako hizkuntzetan jolastu daitezkeenak eta kooperatiboak direnak, herritarrek ikusi eta probatzeko.
Bi urte dituzten haurretatik hasi eta adin guztietara arte zuzendutako jostailu eta mahi jolasak izango dira, eta urtero merkaturatzen diren jolasekin ere hornitu dute erakusketa. Hori horrela, bertaratzen direnek hauek ikusi eta frogatzeko aukera izango dute.
Erakusketa, 17:00etatik 19:30etara bitartean izango da zabalik abenduaren 3tik 5era bitartean, kultura etxeko hitzaldien gelan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.