Lan berrien estreinaldietan egin ohi duten moduan, Pirritx, Porrotx eta Marimotots pailazoek 'Musua' izeneko ikuskizuna aurkeztu dute gaur Eskoriatzan. Urteari errepasoa egiten zebiltzala, jendez goraino zegoen Manuel Muñoz kiroldegian argia joan da –hamar minutuko kontua izan da–. Baina, inprobisatzeko gaitasuna daukatela erakutsi dute pailazoek, eta ikuskizunaren parte bilakatu da itzalaldia.
Pirritx, Porrotx eta Marimototsen lan berrian urteari errepasoa egiten diote pailazoek, eta urte osoko pertsonaiak oholtzan desfilatzen aritu dira. Euren aurrean kiroldegiko harmailak beteta, eta baita kantxa ere. Santa Agedan jardun dute, suaren bueltan ibili dira, haurrek duela gutxi ospatu duten Arimen Gauan ere murgildu dira –Debagoienean Gaba Baltza–, laster etorriko den Olentzero ere izan dute berbagai... Arratsaldeko anekdota argi itzalaldia izan da, baina pailazoak hamar minutuz izoztuta geratu dira, taulagainean geldi, eta argia bueltatu denean ikuskizunarekin jarraitu dute, ezer gertatu ez balitz moduan. Hala, inor ez da geratu musu barik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak