Kortazar ahobizi paperean eta Imaz belarriprest-arenean, elkarrizketa intimoa eta goxoa izatea zen antolatzaileen asmoa, Virginiaren lanetik harago elkarrizketa pertsonalagoa eskainita, eta halaxe izan zen. Imazen lanbideaz, euskaraz, eta abarrez hitz egin zuten. Hain zuzen, Imazek bere bizitzako hainbat pasarte kontatu zituen, eta euskararekin bizi izandako pasarteekin gustura geratu ziren antzokira gerturatutakoak.
'Belarriprest' profilen bila
Belarriprest profila herrian gehiago zabaltzeko asmoz antolatutako egitasmoan, euskaldun eta erdaldun jendearen zubi-lanaren garrantzia azpimarratu zuten. Horrez gain, euskarazko hitzen garrantzia azpimarratu zuen Imazek: "Badaude hitz batzuk euskaraz; bihotza, jatorra… bezalakoek gazteleraz zentzu ezberdina dutela…".
