Osasun arazo batek eraginda gizonezko bat hil da Atxorrotxen

Osasun arazo batek eraginda 13:30ak aldera gizonezko nagusi bat hil da Atxorrotxeko ermitan inguruan. Gorpua autopsia egitera forentsearengana eraman dute.

Ertzaintzak jakitera eman duenez, gizonezko bat zorabiatu egin da Atxorrotxen gaur eguerdian. Laguntzeko deia jaso du Ertzaintzak baina ezin izan dute ezer egin gizonezkoari laguntzeko. Testiguek kontatu dute gaizki sentitu eta zorabiatu egin dela. Gorpua autopsia egitera eraman dute forentsearengana. Gizonezkoa gasteiztarra zen eta 70 urteren bueltan zituen.