11 egunetarako prestatuago
Saioaren helburua izan zen jendea segurtasunez iristea 11 egunetara, egin behar duena ondo ezagututa, lasai eta seguru. Horrez gain, teoria pixka bat izan arren, orokorrean, dinamikoak izan dira saioak, eta, praktika horretan, Euskaraldian gertatuko diren egoera desberdinak jarri zituzten.
Formakuntzetan izan zirenak pozik geratu ziren. Honako hau adierazi zuten: "Ariketak balio izan dit egoera zailak egongo direla jakiteko, baina nola aurre egingo diegun ulertzeko baliagarria izan da. Ni motibatu egin naiz. Saioak lasaitu egin nau. 11 egunak zer izango diren ikusten lagundu dit. Saioa atsegina izan da, ez aspergarria, eta eskertu egiten da".
