Bi istripu gertatu dira 08:00ak inguruan, Gi-627 errepideko 27. eta 28. puntu kilometrikoen artean, Aretxabaletara noranzkoan. Denera bost autori eragin die eta hiru pertsona zauritu dira. Bi istripuen eraginez, auto ilarak sortu dira; pilaketak autobideko irteeraraino eta Eskoriatza herri barruraino heldu dira.
Irudia: Trafikoa.eus
Lehen istripua 08:02an izan da, bi autok talka egin dute eta pertsona bat zauritu da. Minutu gutxiren ostean gertatu da bigarren istripua, 08:16ean. Lehenengo istripuak eragindako auto pilaketan zeuden hiru autok izan dute bigarren istripua, atzetik jo ostean. Bigarren istripu horretan beste bi pertsona zauritu dira.
Auto ilarak Eskoriatza erdiguneraino iritsi dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.