Gaur bete dira lau urte Ayotzinapako –Mexiko– eskola normalistako 43 ikasle desagertu zirenetik. Gertatutakoa salatzeko, kasua argitzeko eskatzeko, ezkutukeriak alde batera uzteko, eta desagertuta dauden familiei elkartasuna adierazteko, EskoZap taldeko kideek antolatuta, elkarretaratzea egingo da, gaur, 19:00etan, Fernando Eskoriatza plazan.
2014ko irailaren 26an, 43 gazte desagertu ziren Iguala hirian, denak gau berean, Mexikoko hego-mendebaldean dagoen hiri handi baten erdian. Inork ez zuen ezer ikusi, baina frogak ezkutatu zirela, eta ez zela behar bezala ikertu adierazten dute desagertutako gazteen familiarrek. Hala, desagertutakoak bizirik ote dauden, hil egin zituzten edota gorpuak erre ote zituzten argitzeke dago.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.