Ganuzako paper margotuen bisita, hilaren 18an, 19:00etan

Ganuzako paper margotuak.

Ganuzako paper margotuak zaharberritu dituen Lola Rodriguez EHUko irakaslearen hitzaldia izango da irailaren 18an, martitzena, Arizmendi Ikastolako Jose Arana gunean, 19:00etan.

Eskoriatzako Gaztañadui jauregiko –herritarrontzat, Ganuza Etxea– bi gelatako hormetan XIX. mendeko paper margotuak daude, Napoleonen garaian Frantzian sortutakoak (1812-1814) eta munduan bakar egiten dituzten ezaugarriak dituztenak.

2001ean, Ganuza Etxeko bi paper panoramikoak –Parisko monumentuak eta Compiegneko ehizaldia– zaharberritzeaz arduratu zen Rodriguez. Azken paper horren zazpi ale bakarrik daude munduan.

Hitzaldia paper panoramikoen aretoan egingo da, gazteleraz. Bertan, paperak egiteko teknikak azaldu ondoren, Eskoriatzako paperen berreskuratze prozesua azalduko du Rodriguezek: nola konpondu zituzten, izan zituzten arazoak, paperen egoera, eta abar.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.