Udalak eta gune horretako bi lur-jabeek sinatutako hitzarmenean, urteko 5.400 euroko alokairu prezioa ezartzen da. Prezio horrek gune horretako lau lurzatiren alokairua hartzen du: bi, aparkaleku berrirako erabiliko dira; eta, beste bietan, parke publikoa egingo da, Santa Ana Santa Marinako plazarekin lotuko duena. Horrekin batera, oinezkoentzar pasabidea ere egingo da bi plazak batuko dituena, Jose Arana etxeen atzetik.
Martxoan sinatu zen lurzatiak alokatzeko kontratua, eta ondoren, horiek egokitzeko lanak esleitzeko prozesua jarri zen martxan, uztailean amaitu dena.
29.000 euroko (gehi BEZ) aurrekontuarekin, lanak Goitu enpresari esleitu zitzaizkion. Lanak abuztuan egin dira, herritarrei ahalik eta eragozpen gutxien sortzeko.
