Luis Ezeiza Herri Eskolako jaia ospatu dute gaur, Eskoriatzan. Ikasturteeari amaiera emateko, eta bide batez, ondo pasatzeko eguna izan dute, hain zuzen ere. Guraso, lagun eta familiakoak asko disfrutatu dute goizean txikien dantzekin, eta eguraldia lagun, giro ederra izan da bertan.
Egunari hasiera emateko, kuadrila ederra batu dira trikiti eta pandero doinuekin, herriko kaleak zeharkatzeko, eta kalejira, Fernando Eskoriatza plazan amaitu dute. Ostean, guraso, lagun eta familiek haurren dantza eta bertsoez gozatzeko aukera izan dute, eta Ene Kantak ikuskizuna ere izan da.
Arratsaldean, festarekin jarraituko dute 14:30etan, eskolako arkupetan bazkaldu ostean. Hori horrela, umeentzako puzgarriak eta musika izango dute frontoian haurren gozamenerako.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.