Euskaraldia egitasmoaren mezua iritsi da Eskoriatzara

Atzo, Euskaraldiaren pregoia iritsi zen Eskoriatzara. Intxaurtxueta auzotik hasita, kale ezberdinak zeharkatu zituzten Olatz Pagaldayk eta Jon Zubiagak, Euskaraldia egitasmoaren mezua herrira zabaltzeko asmoz. Antzerki eran aurkeztu zuten, eta, Iñaki Kortazarren, Asier Hernandezen eta Gari Barandiaranen batukada hotsek lagunduta eskaini zuten saioa. 

Hizkuntza ohiturak aldatzeko helburua duen ekimen kolektiboaren lehen urratsa izan zen atzokoa. Azaroaren 23tik abenduaren 3ra arte, hamaika egun euskaraz egitasmoaren baitan, batzordea eratu eta orduan egingo direnak eta ordura artekoak prestatzen aritu da herriko elkarte, norbanako eta eragile ezberdinekin osatutako taldea. Hala, atzoko pregoia ekimenaren nondik norakoak azaltzeko izan zen, eskuorria buzoietan banatzeaz batera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.