Ostegunean, 19:15ean, Eskoriatzako Santa Ana auzoko etxebizitza batean eztanda egin zuen butano-bonbona batek, gizonezko bat zaurituz. Ertzaintzaren arabera, gizonezkoak aurpegian, eskuetan eta izter batean erredurak zituen eta Arrasateko ospitalera eraman zuten.
Sukaldean zegoen eztanda egin zuen bonbona; ondorioz, etxebizitzan zegoen gizon bat zauritzeaz gain, sukaldea eta horma bat kaltetuta gelditu ziren.
Gaian adituak diren teknikariak etorri ziren Tolosatik, etxea ikuskatu eta ingurua segurua zela ziurtatzeko. Bien bitartean, kalea itxita egon zen. 20:30ean suhiltzaileek eta teknikariek lana amaitu ostean, erabat zabaldu zuten bidea.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.