Bederatzigarren urtez antolatutako 'Zazpi Elizateen Martxa' 108 lagunek egin dute

Eskoriatzarrak izan dira bederatzigarren Zazpi Elizateen Martxa-n parte hartu duten gehienak. Dena den, bailarako beste herri batzuetatik, Arrasatetik, Bergaratik edota Aretxabaletatik joandakoak ere izan dira. Gernika ingurukoak ere egon dira, eta gustura egin dute ibilbidea.

 

Fernando Eskoriatza plazan hasi da martxa eta ibilbide hau izan du aurtengo Zazpi Elizateen Martxa-k: Bolibar, Mendiola, Gellao, Apotzaga, Marin, Zarimutz, Mazmela eta hasitako toki berean bukatu da. 30 kilometrotako ibilbidea izan da eta Gellaotik San Adrianerako tartea izan da gogorrena. Dena dela, lurra nahiko lehor zegoen eta antolakuntzatik jarritako seinaleekin, parte-hartzaileek gustura egin dute martxa.

Guztira 108 lagunek hartu dute parte, gehienak eskoriatzarrak, baina Debagoieneko jendea ere izan da. Baita Gernika ingurutik etorritakoak ere.

Edorta Barandiaran antolakuntza taldeko kideak adierazi du pozik gelditu direla aurtengoak izan duen harrerarekin, eta hemendik bi urtetara egingo dena hamargarrena izango denez, zerbait "berezia" prestatzeko asmotan daudela.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.