Leihoa zerura izeneko hitzaldia izango da lehenbizi, 20:00etan, Zaldibar antzokian, Virginia Garcia astronomoaren eskutik. Gauean ikusiko dituzten izarrak, planetak… hobeto ulertzeko, azalpenak emango dizkie bertaratzen direnei.
Hitzaldia amaitzean, Elorretara joan, eta, 21:30 aldera, ogitarteko-afaria egingo dute. Nork bere ogitartekoa eraman beharko du.
22:00etan, zerua behatuko dute, Aranzadiko bi astronomoren gidaritzapean. Edozelan ere, baldintza meteorologikoek ez badute laguntzen, ekitaldia beste egun batean egingo dute.