Aurtengo ikasturtean, Tabakalerak bideratzen duen lehiaketa baten bitartez, eskola bideen inguruko proiektu bat garatzen ari dira Arizmendi-Almen ikastolan. Proiektua, Eskola Aldiriak deitzen da, eta DBH 4. mailako ikasleak eta guraso talde bat ari da buru-belarri lanean. Atzo, esaterako, guraso eta irakasle talde bat Mario Paniego artistarekin bildu zen, Arizmendi-Almen gunearen inguruak aztertzeko.
Haurrek eskolara egiten dituzten joan-etorrietan segurtasun eta autonomia handiagoa izateko, proiektua modu ezberdinetan lantzen arituko dira; haur, irakasle eta gurasoak, ekainera arte bitartean.
Proiektuak, hainbat helburu ditu: Ikastetxera ahalik eta seguruen eta modu erosoenean joatea, umeen autonomia bultzatzea, ohitura osasuntsuak sustatzea…, besteak beste.
